Во септември годинава во земјава се евидентирани 68 578 туристи, од кои 46.5 % домашни, а 53.5 % странски, соопшти Државниот завод за статистика.
Бројот на ноќевањата во септември изнесува 165 486, од кои 48.8 % се од домашните туристи, а 51.2 % од странските.
Во периодот јануари – септември 2021 година, во однос на истиот период од претходната година, бројот на туристите е зголемен за 49.8 %. Кај домашните туристи има зголемување за 23 %, а кај странските за 127 %.
Во периодот јануари – септември 2021 година, во однос на истиот период од претходната година, бројот на ноќевањата е зголемен за 33.9 %. Кај домашните туристи зголемувањето е за 15.4 %, а кај странските за 150.8 %.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.