Неколку минути пред осум часот изутрина паркингот пред Општина Бутел бил арена на двајца браќа кои физички се пресметувале, а паднала и крв откако едниот од браќата со нож нагрнал врз другиот нанесувајќи му повреди во плешката и гребанци на главата.
Случајот е пријавен во МВР. Полицијата го привела 52- годишниот Љупчо Тасевски во полициската станица во Чаир, а Ацо Тасевски вработен во општина Бутел како инспектор во одделението за дератизација е пренесен со возило на итната медицинска помош во урегентниот центар во Скопје.
Причините се семејни зошто браќата кренале рака еден на друг, а според очевидците доколку случајните минувачи не го запрале разјарениот помал брат инцидентот ќе завршел фатално.
Градоначалникот на Општина Бутел, Дарко Костовски за Телма информира дека го контактирал вработениот во болница и е вон животозагрозувачка состојба. Тасевски е вработен во општината повеќе од 15 години и отфрла било каква политичка поврзаност со несреќниот настан кој се случил на паркингот пред општинската зграда.
