Јужно-американската фудбалска конфедерација објави дека нејзините членки вклучувајќи ги Бразил и Аргентина ќе го бојкотираат Светскиот шампионат доколку ФИФА донесе одлука тој да се одржува на секои две години.
“Не гледаме причина зошто би ја поддржале промената предложена од ФИФА. Тоа е негирање на една традиција која трае скоро 100 години. Сегашниот модел се покажа како успешен и од тие причини членките на КОНМЕБОЛ се против еден ваков предлог”, пишува соопштението.
КОНМЕБОЛ и се приклучи на УЕФА во намерата да го бојкотира евентуалниот Светски шампионат што би се одржал на секои две години, а против идејата на ФИФА се Интернационалниот олимписки комитет, голем број на асоцијации на фудбалери и тренери, а дел од националните асоцијации најавија дека ако оваа одлука се официјализира тогаш тие ќе ја напуштат Светската фудбалска организација.