Владата на Хаити ќе плати повеќе од 60.000 долари на оние што можат да помогнат да се одреди локацијата на трите лица вклучени во атентатот на претседателот Жовенел Моиз во јули, објави денеска агенцијата ЕФЕ.
Полицијата трага по Вендел Кок -Тело, поранешен судија во Врховниот суд, по поранешниот службеник во Министерството за правда, Жозеф Феликс Бадио и поранешниот сенатор Џон Жоел Жозеф.
Моис беше смртно ранет на 7 јули кога непознати лица упаднаа во неговата резиденција. Во истиот напад беше повредена и неговата сопруга, но таа преживеа.
Властите на Хаити подоцна објавија дека во групата напаѓачи има 26 колумбиски државјани.
Во овој случај беа уапсени повеќе од 40 лица.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.