Започна судењето за екс директорот на УБК Сашо Мијалков и бизнисменот Јордан Камчев, за случајот попознат во јавноста како Плацеви на Водно. Во кривичниот суд и двајцата беа донесени од притвор каде се наоѓаат веќе неколку месеци.
За обвинетиот поранешен премиер и претседател на ВМРО ДПМНЕ Никола Груевски, беше констатирано само дека е во азил во Унгарија и одреден му е адвокат по службена должност, по што ќе му се суди во отсуство бидејќи е првообвинет во случајот.
Сите се товаратза оерење пари и незаконско стекнување на имот, а е поврзано со парите кои наместо на партиска сметка на ВМРО ДПМНЕ, легнувале на приватни сметки од кои по тоа Груевски купувал плацови на Водно. Обвинението го поднесе поранешната специјална обвинителка Лиле Стефанова, а се води пред судијата Илија Трпков. Во него се обвинети и мајката на Камчев, Ратка Камчева, кумот на Груевски, Ристо Новачевски, и бизнисменот Ненад Јосифовиќ. Во секој момент треба да започнат воведните зборови на обвинителството.