Преспа форум: САД и ЕУ еднакво ангажирани за интеграција на Западниот Балкан

САД и ЕУ се еднакво ангажирани за евроинтеграцијата на Западниот Балкан, а ЕУ мора да си ги исполни ветувањата, вели американскиот дипломат Метју Палмер, кој беше еден од првите говорници на Првата меѓународна конференција, најголема по својот формат, што воопшто ја има организирано државава која се одржува во рамки на Преспа форумот за дијалог.

Македонија и Албанија не добија зелено светло поради блокада од една земја, но договорот од Преспа покажува дека и најтешките дипломатски прашања можат да се решат ако се има политичка волја. Ова се дел од говорите на високите дипломатски претставници на првиот ден од форумот кој се одржува во Охрид, а утре и во Отешево.