Ковид19 Македонија

„Синовак“ сè уште се дистрибуира во пунктовите, во тек е вакцинацијата со достапните вакцини

Вакцините на „Синовак“ се во фрижидерите и ниту една доза сè уште не е дадена, додека течат подготовките за дистрибуција и распределба низ пунктовите за имунизација. Во меѓувреме во тек е вакцинацијата со достапните вакцини во земјава.

Вчера се аплицирани нешто над тринаесет илјади вакцини, а прва доза примиле речиси единаесет илјади граѓани.

Вака беше денес во најголемиот пункт – скопскиот. Во моментот на располагање имаат само „Фајзер“, а се надеваат дека „Синовак“ ќе добијат во текот на оваа недела.

Немаат сериозни забелешки за интересот за вакцинација кај граѓаните.

Иако редиците и гужвите пред вакциналните пунктови периодов стивнаа, сепак секој ден некој доаѓа на закажан термин.

Оние коишто ги анкетиравме денес пред пунктот во поликлиника „Јане Сандански“ велат дека немаат особена резерва кон кинеските вакцини „Синовак“ и не би пребирале.

Сомнеж кај дел од нив постои само околу АстраЗенека.

Во меѓувреме, од Министерството за здравство информираа дека воведена е можност и за издавање сертификат за сите лица кои во последните девет месеци биле позитивни на коронавирусот и се регистрирани во Националниот систем.

Сертификатот може да се преземе кај матичниот лекар или со најава на страницата вакцинација.мк. Истиот е заверен со дигитален печат на Министерството.

Петар Догов

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Огнот под контрола – над 60 пожари изгаснати

Дејан Дејан

По изјавата на Георгиев, МНР му пренесе официјален протест на бугарскиот амбасадор во Скопје

Дејан Дејан

Мицкоски: Европската комисија нека избере Судски совет и обвинители

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе