Деновиве Тетово повторно е на листата на градови со високи вредности на ПМ 10 честичките во воздухот.
Познавачите на приликите како една од можните причини ја наведуваат топлата воздушна маса која носи прашина, меѓутоа дополнително аерозагадувањето се зголемува и со олабавувањето на рестриктивните мерки.
Како потенцијални поголеми загадувачи на воздухот се смета дека се индустриски погони.
Од Општината велат дека инспекциските служби постојано ги контролираат фирмите кои имаат Б дозволи.
За ублажување на сегашната состојба, од Општина Тетово најавуваат дека ќе се врши почесто миење на улиците во градот, со оглед на тоа дека пустинскиот ветер, според податоците на Управата за хидрометеоролошки работи, може да потрае и во наредните денови.
Данијела Билбилоска