Кочанското село Оризари во потрага по 16 годишната Наташа Николова, која вчера во осум часот излегла од дома и не се вратила. Откако не се јавила на мобилниот, нејзините родители го побарале класниот раководител, бидејќи од дома заминала дека оди во училиштето за да ги врати учебнинците. Семејството трага на сите можни локации и постојано на социјалните мрежи споделува апели доколку некој има некаква информација, да се јави кај нив, или во полиција.
Директорот на средното училиштето „Ѓошо Викентиев“, Тони Велков вели дека вчера во училиштето немале никакви активности околу враќање на учебниците.
Ниту еден од нејзините сооченици вчера не бил во училиштето да ги врати учебниците, бидејќи немало закажано такво нешто. Според податоците од класниот раководител, таа редовно се вклучувувала на онлајн настава, но во второто полугодие ниту еднаш не одговарала усно, туку на сите прашања одговарала писмено, вели Тони Велков заменик директор на СОУ Ѓошо Викентиев.
Наташа Николова е прогласена за исчезната, полицијата од утринава се вклучи во потргата, го посетиле училиштето и други локации.
Таткото на Наташа за Телма вели дека мобилниот не може да се лоцира, се надеваат дека сепак нивната ќерка ќе се врати, која во време на пандемија го почна своето средно обарзование.
Викторија Димитрова Јованова