Со блокада на трите главни сообраќајници во Скопје и во 10 други градови низ Македонија, од ВМРО-ДПМНЕ се обидуваат да ја натераат владата да каже за што точно преговара со Бугарија. Во главниот град денеска два часа се протестираше пред Собранието, пред трговскиот центар Мавровка и пред поранешната зграда на „Нова Македонија„.
Блокадите на ВМРО-ДПМНЕ ќе траат секој ден сè додека власта не ѝ го даде на увид на јавноста „Патоказот“ во преговорите со Бугарија.
Премиерот Зоран Заев, тврди дека со Бугарија се преговара за патоказот за пристапните преговори со ЕУ, при што се водат разговори на секторско ниво, а сето друго се разговара под раководство на португалското претседателство.
Протестите на ВМРО-ДПМНЕ ќе продолжат и во следните денови, а се најавува и можна институционална блокада.
Далиборка Демјанска Цветановска