Струмичките актери бараат министерството за култура да ја повлече одлуката за избор на нов директор на центарот за култура „Антон Панов“, бидејќи сметаат дека изборот е несоодветен. Велат дека културните институции се специфични и треба да ги водат луѓе со искуство во оваа област.
Една од останатите две кандидатки за директор е Оливера Аризанова Мансбарт. Вели дека е чуден изборот од тројца кандидати, од кои двајца се работници од областа на културата а третиот од образование, токму тој да биде избран.
Од министерството за култура информираат дека изборот на новиот директор, е направен бидејќи останатите два кандидата немле потполна документација. Една немала сертификат за познавање на англискиот јазик, а вториот дека нема докази дека е познат и признат културен работник како и доказ дека последните 5 години работел во областа на културата. Само избраниот кандидат формално правно ги исполнувал условите од конкурсот.
Сузана Мицева
