Ѓоре Јовановски од денеска е нов шеф на стручниот штаб на Беласица, која првиот дел од сезоната во домашниот шампионат го заврши на последното место и до крајот на првенството ќе води грчевита битка за опстанок во елитата.
Шеесет и четири годишниот Јовановски ќе биде третиот предводник на тимот од Струмица кој во досегашниот тек од првенството ја прекина соработката со Ване Милков и Шефки Арифовски.
Во текот на јануарскиот преоден рок Беласица ангажираше неколку засилувања, а се очекува со доаѓањето на Јовановски во екипата да пристигнат уште неколку нови имиња.
Струмичани од денеска со новиот тренер ги почнаа подготовките за продолжението од сезоната, а во првиот меч на 14 февруари ги очекува гостувањето против Ренова.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.