Кошаркарскиот клуб Партизан денеска и официјално потврди дека Сашо Филиповски ќе го преземе водењето на екипата и на клупата на белградскиот тим ќе го замени Владо Шќепановиќ.
Четириесет и шест годишниот тренер во моментов беше без ангажман откако на крајот од минатата сезона ја прекина соработката со Монако, а претходно седеше на клупата на Банвит, Зелјона Гора, Унион Олимпија, Лотоматика, Ростов, Туров, а во еден период беше и дел од стручниот штаб на московска ЦСКА.
Се очекува Филиповски на клупата на Партизан да дебитирана мечот од АБА лигата против Задар или евентуално следната среда на дуелот од Еврокупот со Венеција.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.