Расте бројот на медицинскиот персонал позитивен на ковид – 19 во струмичката општа болница. Поради тоа, се потешко е организирањето на работните смени на одделенијата, вели директорот Наќе Гогов. Не е добра ситуацијата ниту со расположливите капацитети. Додека се отвори регионалниот ковид центар во новиот крак, се снаоѓаат со днвениот ковид центар и просториите на инфективното одделение.
Денеска струмичката болница доби половно санитетско возило за транспорт на ковид- пациентите до Скопје. Минатиот викенд Гогов преку фејзбук апелираше да се донираат средства за купување на ново амбулатнско возило бидејќи постојните се малку и дотраени па честопати се дефект. Но, набрзо го повлече повикот поради како, што рече, големиот број негативни коментари. Од владата пак, најавија дека за два месеца ќе има ново возило.
Дотраениот возен парк на струмичката болница не е ништо ново. Со години се апелира дека нема услови за транспорт на пациенти, а оваа сосотјба е особено алармантна во моментов, кога Струмица е втор град по број на случаи позитивни на ковид – 19. Во моментов во градот има 560 активни случаи.
Сузана Мицева
