Вести Свет

Не се смирува гневот на жените во Полска по одлуката дека немаат право на абортус

Осми ден траат масовните протести во 400-тини градови низ Полска против одлуката на Уставниот суд дека секаков вид на прекин на бременоста е нелегален. И покрај строгите правила кои ги ограничуваат собирањата на помалку од пет луѓе за време на пандемијата, илјадници демонстранти, се излезени на улиците. Носат црни чадори, кои се симбол на протестите за правото на абортус и бројни транспаренти на кои пишува „И Господ е жена“.

Државниот обвинител се закани дека ќе поднесе кривична пријава против организаторите за педизвикување на епидемиолошка закана, за што следува казна затвор и до осум години. но, ништо не ги спречува жените да ги продолжат протестите.  Уставниот суд ја донесе одлуката на 22-ри месецов, и со неа се забранува секаков вид абортус, дури и да е жената силувана, жртва на инцест, или пак да носи плод со тешки оштетувања – три права кои до сега им беа дозволени на жените. За да го смири гневот на жените, претседателот Анджеј Дуда вчера поднесе предлог закон според кој, би бил дозволен абортусот во случај животот на мајката да е загрозен. Сепак протестите продолжуваат и стануваат се помасовни.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

„Децата мора да се охрабруваат да говорат за булингот“ пораки од работилница во Гази Баба на општествено одговорната кампања „Крени Глас“ на Макпетрол

Дејан Дејан

Во болницата во Кочани стои нова хипербарна комора без специјалист да ја стави во функција велат од “SupportКоcani“

Дејан Дејан

Пет барања испрати семејството на Фросина од протестот по пресудата од 12 години за Васил Јованов

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе