Македонската фудбалска репрезентација утре против Косово ќе го одигра полуфиналниот дуел од баражот за пласман на континенталниот шампионат.
“Сигурен сум дека од нашите репрезентативци на овој меч ќе го видете најдоброто од нив. Овој натпревар Македонија го чека цели 30 години. Условите се невообичаени, но ние ќе се прилагодиме како целиот свет. Ќе одиграме максимално и во овие услови. Кажав дека мора да останеме со ладни глави. Меч, како и секој друг. Истиот пристап како и за сите така и за Косово. Самите се доведовме да бидеме во игра за ЕП. Добро знам што можат фудбалерите и дека тоа ќе го сторат. Наша задача е да се подготвиме за секое сценарио. Иако капитенот не е 100% подготвен овој меч се игра и на мотивација и на инспирација. Мислам дека ќе го дадеме максимумот. Нијансите се на наша страна, очекувам ние да одиме во финале”, изјави селекторот на македонската репрезентација Игор Ангеловски.
Натпреварот се игра утре на Арената Тодор Проески и почнува во 20 часот и 45 минути.
ФОТО: Игор Паневски