Сечењето на тополи, багрем и дабова шума покрај Мала река деневови ги крена на нозе граѓаните и кочанската локална власт. На ова место треба да се гради хидроцентрала. Екологистите, но и советниците и првиот човек на општината се против и бараат стопирање на проектот, којшто според нив ќе донесе голема штета на оваа недопрена природа.
Кочанскиот градоначалник вели дека за изградбата на малата хидроцентрала дзонал по анонимен повик, ја побарал документацијата и открил дека позитивно мислење општината дала неколку месеци пред тој да стане градоначалник. Расправа имало и во локалниот парламент, советниците испратиле и допис до институциите за да се стопира градбата. Фирмата која почна со подготовките на терен нема дозвола за градба, но ако се утврди дека целата постапка е запазена, општината мора да им ја издаде дозволата.
Проектот имали хидроцентрали предвидува низ земјава да се изградат околу 400, досега оваа бројка е околу сто. Но, досега жителите на источниот регион имаа негативно искуство со изградбата на мали хидроцентрали, имаше протести во малешевскиот регион, но инвеститорите успееја да ги изградат. Граѓанските активисти сметаат дека хидроцентралата на Мала река може да наштети не само на природата, туку и на тирзимот. Во завршна фаза е Осоговскиот регион да биде заштитетно подрачје.
Викторија Јованова