Фестивалот на камерен театар Ристо Шишков почнува денеска, но наместо во Центарот за култура, ќе биде на отворено. Дваесет и осмото издание на фестивалот што ја негува и во чиј фокус е актерот и актерската игра годинава е лоциран во градскиот парк во Струмица.
Во конкуренција се домашни камерни претстави кои ќе оживеат со звуците на природата и ќе се играат пред ограничен број гледачи.
Овде меѓу дрвја и трева, под ѕвездено небо ќе биде сцената за годинешниот театарски фестивал, којшто е основан во чест на бардот на македонското глумиште, Ристо Шишков.
Актерите на фестивалот ќе се надигруваат за единствената награда за високи актеркси достигнувања којашто го нови името на Шишков, златен медалјон со неговиот лик и парична награда во висина од илјада и петстотини евра.
Сузана Мицева