Граѓанските активисти бараат, работниците од страв молчат зад машините , а газдите одбиваат да ги затворат погоните привремено додека не ја надминат корона кризата. Од невладината „Глесен текстилец“ бараат од државниот инспекторат за здравство наместо иснпекциски упади и казни да ги затвори погоните. Короната во Штип зема замав, и се шири во се повеќе погони
Одговорот на првиот човек на инспекторат е дека уредно го известиле кризниот штаб во Штип за нивните надлежности и законски можности. Проблем е што членот околу постапувањето може да се толкува различно затоа што законите се носени пред појавата на пандемија од ваков обем.
Штип освен градот на текстилот го превзема и приматот на корона жариште. Од 734 случаи, повеќе од половина од пациентите сеуште се позитивни на вирусот. Текстилниот кластер зема замав и изминативе денови влезе во нови 6 конфекции со случај или два. За разлика од религиозните збиднувања, собиранки, и забави на младите Штип е град во кој короната експлозивно се рашири меѓу работниците во погоните. Колективниот транспортот на работниците и непочитувањето на препораките за дистанца сега се регулира со полиција. „Гласен текстилец“, бара да престанат и обвинувањата кон работниците и стигматизирањето дека тие се виновни за ширењто на вирусот.
Павле Беловски