Свет

Престрелка на погреб во Чикаго, повредени 14 лица

Четиринаесет лица се повредени вчера при масовна престрелка за време на погреб во Чикаго, соопшти полицијата.

Инцидентот се случил откако од автомобил во движење бил отворен оган кон луѓе кои присуствувале на погреб, а тие возвратиле со пукање кон возилото, изјави Ерик Картер од полицијата во Чикаго.

Противпожарната служба во Чикаго соопшти дека најмалку 11 лица биле префрлени в болници во критична здравствена состојба.

Полицијата сè уште не го објави бројот на оние кои учествувале во престрелката, ниту соопшти детали за полициската истрага.

Чикаго е еден од американските градови каде употребата на огнено оружје е зголемена во последните години. Во понеделникот 25 лица беа повредени, од кои четири починаа. Минатиот викенд, пак, во престрелки низ градот се повредени 63 лица, од кои најмалку 12 се убиени. Според градската полиција, во однос на истиот период минатата година, бројот на употреба на огнено оружје е зголемен за 46 отсто.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Сенатот го усвои „големиот прекрасен закон“ на Трамп

Дејан Дејан

Топлотен бран ширум Европа – повеќе земји бележат рекордни температури за овој период од годината

Дејан Дејан

Гласање за обемниот буџет на Трамп – демократите во обид да го сменат или блокираат законот за даноци со амандмани

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе