Бирото за образование на Хонг Конг денеска објави прекин на работата на сите училишта од понеделник по пик на новозаразени со Ковид-19 што ги разгоре стравувањата за ширење.
Училиштата во азискиот финансиски центар во најголем дел се затворени од февруари, при што многумина се префрлија на учење преку интернет и лекции преку конференциски повик. Многу интернационални училишта веќе се на летна пауза.
Градот вчера пријави 42 нови случаи, од кои 34 се локално пренесени, што го одбележа вториот последователен ден на пораст на локално пренесени инфекции.
Во некои од неодамнешните случаи се вклучени студенти и родители, рече секретарот за образование, Кевин Јунг.
Вкупниот број случаи во Хонг Конг од крајот на јануари сега изнесува 1.366 и седум смртни случаи.
