Итно се бара плазма за пациент со крвна група А кој е болен од Ковид 19. Вакви огласи со пациенти од различни крвни групи се почесто може да се видат и на социјалните мрежи и на интернет порталите. На најразличен начин луѓето се обидуваат да дојдат до плазма.
Со дел од нив разговараше и Телма, велат дека во моментот кога им било речено дека ќе треба плазма за да се подобри состојбата на нивен близок роднина самоиницијативно пишувале огласи и покрај тоа што во институтоит за трансфузиологија веќе се правеле обиди да се дојде до донор. Некои успеале преку огласите, други преку институтот.
Директорот Садула Усеини вели дека процесот за да се дојде до ковалесцентна плазма е преку податоците за излекувани пациенти кои ги има во клиниките и другите здравствени установи. Но за регистар на потенцијални донори за сега не се размислува бидејки главниот услов е излечениот од Ковид 19 да има раззвиено доволен број на антитела.
Од болницата 8 ми спетември која е и ковид центар велат тим од доктори одлучуваа на кој пациент би можело да му помогне плазмата, се пушта барање до институтот за трансфузиологија со потребните податоци за крвната група и доколку кај нив веќе има плазма веднаш се одобрува. Сепак не секој пациент може да ја прими во секое време.
До сега во градската болница околу 10 тина пациенти примиле плазма и кај голем дел таа помогнала. Сепак има и такви кој не дочекале да им се стабилизираат параметрите па залудни биле напорите за барање на плазмата. Во моментов пак на институтот има само четири единици на ковалесцентна плазма. Вкупно од стартот на кризата се издвоени 46 а 42 ца пациенти примиле плазма.
Билјана Николовска