Европската комисија подготвена за сите сценарија околу американските царини

Претседателката на Европската комисија, Урсула фон дер Лајен, изјави дека ЕУ е подготвена за сите можни сценарија во врска со потенцијалното воведување американски царини, додека се чека исходот од преговорите со САД.

Таа нагласи дека Унијата преферира договорено решение, но дека ќе остане цврста во одбраната на европските интереси.

Во отсуство на договор, ЕУ е подготвена да одговори со контрамерки, вклучувајќи царини на американски производи како говедско месо, делови за автомобили, пиво и авиони од типот „Боинг“.

Фон дер Лајен додаде дека имала конструктивен разговор со претседателот Доналд Трамп и дека е можно продолжување на рокот за договор.