Најмалку четири лица се убиени, а 14 повредени во пукање од автомобил пред ноќниот клуб Артис Ланџ (Artis Lounge) во Чикаго, потврди полицијата. Синоќа околу 23 часот, според полициски наводи, темен SUV минал покрај клубот на авенијата Вест Чикаго. Три лица од автомобилот отвориле оган врз толпа луѓе кои стоеле пред влезот.
Две од жртвите се мажи на возраст од 24, односно 25 години, а две се жени. Повредените, пак, имаат меѓу 21 до 32 години. Најмалку четворица од нив се наоѓаат во критична состојба.
Сè уште нема апсења, а полицијата трага по тројца осомничени напаѓачи кои се во бегство.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.