Рускиот претседател Владимир Путин, нема да патува на самитот на БРИКС во Бразил бидејки е баран од Меѓународниот кривичен суд , соопшти Кремљ, додавајќи дека министерот за надворешни работи Сергеј Лавров ќе биде таму.
Путин ќе зборува на настанот преку видео врска, изјави неговиот дипломатски советник Јуриј Ушаков, додавајќи дека рускиот претседател не патува поради „одредени тешкотии во контекст на барањето на МСП“.
Како член на Меѓународниот кривичен суд, Бразил би бил должен да го уапси Путин доколку присуствува.
Сепак бразилскиот претседател Луиз Инасио Лула да Силва изјави дека Путин ќе биде поканет како членка основач на БРИКС, и покрај потерницата за нелегална депортација на украински деца во Русија, што Москва го негира.
Самитот на Бразил, Русија, Индија, Кина, Јужна Африка, Египет, Етиопија, Индонезија, Иран и Обединетите Арапски Емирати ќе се одржи на 6 и 7 јули во Рио де Жанеиро.
Рускиот претседател Путин редовно ја фали БРИКС – група од десет земји во развој, претставувајќи го како противтежа на „западната хегемонија“ во светот.