Скопска апелација пред малку објави дека одлулчиле Нино Васев и Нехад Нухи да одат во ефективен притвор. Судиите ги прифатиле жалбите на обвинителството кое се жалеше на куќниот притвор за двајцата обвинети со образложение дека постои опасност од бегство.
Апелациониот суд Скопје ја уважи жалбата на Основното јавно обвинителство Скопје, против Решението на кривичниот совет на Основниот кривичен суд Скопје и истото го преиначи на начин што ја укина мерката куќен притвор определена према обвинетиот Н.В. од С., поради постоење основано сомневање дека сторил кривично дело Злоупотреба на службената положба и овластување, а поради постоење на причините за мерката притвор определени со одредбата од чл.165 ст.1 т.1 од Законот за кривичната постапка ОПРЕДЕЛИ мерка притвор во траење од 30 дена, стои во соопштението.
Судот ја укина и мерката куќен притвор определена према обвинетиот Н.Н. од С., поради постоење основано сомневање дека сторил кривично дело Злоупотреба на службената положба и овластување.
Поради постоење на причините за мерката притвор определени со одредбата од чл.165 ст.1 т.1 од Законот за кривичната постапка и ОПРЕДЕЛИ мерка притвор во траење од 30 дена, стои во соопштението на скопска апелација.
