Израелската војска повика на евакуација околу подрачјето на реактор во Арак. Предупредувањето беше објавено на социјалната мрежа „X“ и вклучуваше сателитска снимка на фабриката со црвен круг, слично како и претходните предупредувања пред напади.
Реакторот се наоѓа на 250 километри југозападно од Техеран. Таму се користи „тешка вода“ за ладење на нуклеарните реактори, но како спореден производ се создава плутониум, кој може да се користи за нуклеарно оружје.
Ова би му дало на Иран уште еден пат до развој на бомба, покрај збогатениот ураниум, доколку реши да го направи тоа. Под договорот од 2015 година со светските сили, Иран се согласи да го препроектира објектот за да ги ублажи загриженостите поврзани со ширење на нуклеарното оружје.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.