Претседателката на Европската комисија, Урсула фон дер Лајен, изјави дека „Иран никогаш не смее да поседува нуклеарно оружје“, повикувајќи на преговори во време на засилени тензии меѓу Израел и Иран.
Таа зборуваше на самитот на Г7 во Канада, нагласувајќи дека Европа останува посветена на дипломатско и трајно решение за нуклеарната програма на Иран.
Европската унија го повика Иран да се воздржи од натамошни воени дејства и да се врати кон договорот за неширење на нуклеарното оружје преку мирољубиви преговори.
Изјавата доаѓа откако Израел во петокот изврши напади врз нуклеарни и воени цели во Техеран, при што, биле убиени високи ирански научници и воени лица.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.