Надлежната собраниска комисија ќе оди во надзор на Агенциите за национална безбедност и за разузнавање. Посетата на 25 и на 27 март ќе ја извршат пратениците кои имаат безбедносни сертификати, а мнозинството од нив ги имаат. Претседателот на комисијата, Скендер Реџепи и пратеникот Беким Сали не поседуваат сертификати, но Славјанка Петровска, која денеска заседаваше со седницата, рече дека не можат да чекаат шест месеци за да ги добијат, па ќе одат без нив.
Комисијата која е задолжена за надзор над следењето на комуникациите, пак, го одбри извештајот за работењето на ОТА за минатата година.
Во него е прикажан бројот на сите следења и снимања на телефонски и електронски комуникации врз основа на примени судски наредби, како и детектираните слабости во законите.
