Американскиот претседател Доналд Трамп во интервју за „Фокс њуз“ изјави дека Украина еден ден би можела да стане дел од Русија, додека неговиот потпретседател Џеј Ди Венс се подготвува да се сретне со украинскиот претседател Володимир Зеленски оваа седмица.
„Можеби ќе склучат договор, можеби не. Можеби Украина ќе биде руска територија еден ден, можеби нема да биде“, изјави Трамп.
Тој, исто така, нагласи дека сака враќање на инвестицијата во американската финансиска помош за Украина, сугерирајќи дека помошта може да се врати со украински природни ресурси, како што се ретките минерали.
„Ќе инвестираме огромна сума пари и ги сакам да имаме бенефит од тоа. Сакам нашите пари да бидат обезбедени, бидејќи трошиме стотици милијарди долари. Им реков дека сакам еквивалент – приближно 500 милијарди долари во минерали од ретки земји“, рече Трамп. „И тие во основа се согласија со тоа, така што барем не се чувствуваме глупави. Во спротивно – ќе бидеме глупави“, изјави Трамп.
Трамп, исто така, потврди дека ќе го испрати својот специјален пратеник, Кит Келог во Украина, кој е задолжен да подготви предлог за прекин на борбите.