Од обвинителството соопштија првично детали за истрагата за убиството на 50-годишен жител на Арачиново и ранување на 19-годишно момче. Оружениот напад го извршиле двајца од автомобил, а еден е уапсен.
Дежурен јавен обвинител од Основното јавно обвинителство Скопје синоќа извршил увид во Арачиново. Се преземаат сите дејствија за расчистување на настанот.
-Од лице место се подигнати траги и материјални докази, обезбедени се и се прегледуваат снимки од видео надзор, на телото на починатиот ќе се врши обдукција. Првичните сознанија упатуваат на нерасчистени должничко-доверителски односи како можен мотив на сторителите, од кои едниот е лишен од слобода, а по другиот се трага, соопшти обвинителството.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.