Најмалку 16 лица загинаа во пожар во стоковна куќа во југозападната кинеска провинција Сечуан, јавија државните медиуми.
Пожарот избувнал во 14-катница во високотехнолошката зона на градот Зигонг, обвивајќи ја околината со густ чад,
Пожарот бил изгаснат во раните утрински часови. Пожарникарите и спасувачите одговориле на повикот за пожар веднаш и притоа биле извлечени 75 луѓе на безбедно.
Засега не е познато колку луѓе имало во зградата кога избувнал пожарот. Прелиминарната истрага покажа дека пожарот настанал поради извршување градежни работи, а во тек е натамошна истрага за утврдување на деталите.
Во зградата се сместени стоковна куќа, канцеларии, ресторани и кино сала.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.