Јавен обвинител од Основното јавно обвинителство Струмица донесе Наредба за спроведување на истражна постапка против едно лице на возраст од 49 години за кое постои основано сомнение дека извршило други полови дејствија врз малолетно девојче кое не наполнило 15 години, соопштуваат од Јавното обвинителство на Република Македонија (ЈОРСМ).
„Осомничениот жител на село во општина Конче во повеќе наврати ја допирал малолетничката, сторувајќи продолжено кривично дело согласно член 188 став 2 во врска со став 1 и во врска со член 45 од Кривичниот законик“, стои во соопштението на ЈОРСМ.
Јавниот обвинител до судијата на претходна постапка достави предлог за определување мерка притвор за осомничениот, бидејќи постои опасност од бегство и можност тој да го повтори делото.