„Ре-Медика“: Лекарот кој е пронајден мртов пред здравствената установа „Железара“ не е вработен кај нас, ниту сме поврзани со настанот

Лекарот кој, според информациите на МВР и на ЈОРСМ, е пронајден мртов пред здравствената установа „Железара“, не е вработен кај нас“, се наведува во соопштението на приватната болница „Ре-Медика“.

„Првата приватна општа болница „Ре-Медика“ ја информира јавноста дека лицето, лекар кое во немилиот настан, според информациите објавени од МВР и ЈОРСМ, е пронајден мртов, пред здравствената установа „Железара“, не е вработенo во „Ре-Медика“. Сакаме да потенцираме дека „Ре-Медика“ не е поврзана со настанот, за кој жалиме и упатуваме искрено сочувство“, соопштуваат од Првата приватна општа болница „Ре-Медика“.