Болестите на минатиот век се враќаат, а вакцинацијата на поразително ниво. Пертусисот го запали алармот. Дали и зошто антиваксерството и медицината од социјалните мрежи, го победија здравствениот систем? Како да се врати редот и вербата дека приоритет се здрави поколенија?
Во Топ Тема дебата со: проф. д-р Катерина Ставриќ, имунолог, проф. д-р Александра Грозданова, Национален координатор за имунизација, д-р Злате Мехмедовиќ, портпарол на Комисија за заразни болести и д-р Сања Цилевска Младеновска, лекар во Поликлиника Букурешт.
Здравствените работнити сметаат дека лекцијата од пандемијата се уште не е научена. За родителите, според нив, градинката е најголемиот мотив за вакцинирање на децата. За потсетување за вакцинирање се предвидени разни механизми, вклучувајќи и СМС пораки преку „Мој термин“, но и поштенски каритчки на домашна адреса.
„Многу работи треба да се сменат. Овие епидемии треба да не научат, и епидемијата на морбили и на пертусис и ковид-пандемијата, дека превентивата е топ приоритет во било кое време не само во епидемиски услови“, порача д-р Младеновска.
