Изборен законик, етички кодекс, уредба за користење службени возила. Многу документи но и многу проблеми со користење на службените возила во приватни цели. Новите антикорупционери до сега не добиле пријава за злоуоптреба на службени возила до сега, пријавите на нивна адреса до сега се за други злоупотреби на Изборниот законик.
- ДКСК: Ве информираме дека заклучно со 04.03.2024 година до ДКСК нема пристигнато пријава по основ за користење на канцелариски простор, канцелариска опрема и службени возила на државните органи. Заклучно со наведениот датум до ДКСК доставени се вкупно 6 (шест) пријави кои се однесуваат на сомневања за други злоупотреби согласно Изборниот Законик.
Користењето на службените возила повторно се актуелизираше откако во неделата вицепремиерот Бојан Маричиќ беше регистриран од медиумите како со службено возило доаѓа да се потпише за кандидаурата на Пендаровски. Опозицијата побара од ДКСК да реагира за злоупотреба на службено возило на партиски. Тој во интервјуто за 360 степени вели дека како вицепремиер е во кругот на функционери кои имаат 24-часовно обезбедување и службено возило согласно закон но и владината уредба за обезбедување на личности и објекти. Вели, застанал попатно мегу серија службени состаноци но и дека многу често тој нема право на избор кога и каде да се движи со службено возило.
Од Антикорупциска до сега не се произнесоа конкретно за овој случај туку објавија соопштение во кое ги издвојуваат одредбите од законите и поздаконските акти кои се однесуваат на службените возила.
Изборниот законик забранува користење на канцелариски простор, опрема и службени возила на државните органи во изборна кампања од 04 април до 8 ми мај но користењето на службените возила за приватни и партиски цели е забрането во текот на целата година според други два документа издадени од владата- Кодекс за етичко однесување за членовите на Владата и носителите на јавни функции и Упатство за користењето службени возила во сопственост.
Претходниот соста на Антикорупциска често обелоденуваше злоупотреба на сужбени возила и канцеларии од функционерите но и на последната пресконференција од нивниот мандат повторија дека предупредувања имало казни не.
Според Етичкиот кодекс пријавите одат во кабинетот на вицепремиерката за добро владеење која може да даде писмени укажувања но мерки како што е политичка одговорност на функционерите може да изрече премиерот.
Елена Ивановска Мукоска