Главниот дописник на Ал Џезира од Појасот Газа, Ваел Дахдух, вчера се збогуваше со својата сопруга, син, ќерка и внук кои беа убиени по израелскиот воздушен напад ден претходно.
Дахдух помагаше да се емитуваат слики во живо од ноќното небо на опколената територија во средата кога ја дознал катастрофалната вест дека неговата сопруга, син и ќерка беа убиени во воздушниот напад.
На кратко преивеа само 18-месечниот внук на Дахдух, кој беше пренесен во болница, но по два часа почина.
Според Ал Џезира, членовите на семејството на Дахдух биле убиени во израелски воздушен напад што го погодил бегалскиот камп Нусејрат, кој се наоѓа во област на Газа каде израелската војска ги охрабруваше луѓето да се преселат за да останат безбедни.
Во соопштението, Ал Џезира вели дека семејството на Дахдух „било цел“ во „неселективен напад од страна на израелската окупација“.
Израелската армија немаше моментален коментар. Таа вели дека напаѓа само воени цели на Хамас, но Палестинците велат дека илјадници цивили загинале. Израел го обвинува Хамас дека користи цивили како жив штит.
Семејството на Дахдух беше меѓу повеќе од 1 милион жители на Газа раселени поради војната што започна на 7 октомври и престојуваа во куќа во Нусејрат кога се случи нападот, соопшти мрежата.
На снимките, кои се вознемирувачки, а ги пренесоа светските медиуми е снимен репортерот Ваел Дахдух, кој е облечен во панцир на кој пишува Press. Не може да ги воздржи солзите за загубата на целото свое семејство.