Светската програма за храна при Обединетите нации (ОН) ја опиша ситуацијата во Појасот Газа како поразителна и предупреди дека клучните залихи се опасно при крај, откако Израел воведе целосна блокада на територијата.
„Ситуацијата е во Газа е страшна“, рече директорот на Програмата при ОН за Палестина, Самер Абделабер.
„Гледаме недостиг на гориво, на вода, на струја. Гледаме дека нашите засолништа се преполни. Немаме капацитет. Гледаме дека се развива страшна ситуација во Газа, со ограничени залихи на храна и вода кои брзо се трошат“, изјави Брајан Ландер, заменик раководител за итни случаи при Програмата на ОН.
Тој апелира до Израел и до Египет да создадат сигурни коридори за вработените преку агенцијата, со цел да можат да внесуваат залихи во Газа и да осигураат дека персоналот на ОН може сигурно да работи во тоа подрачје.
