Непознати лица како на филм успеале да го обијат депото на архивот на Вишиот суд во Црна Гора. Ископале тунел од стан од соседна зграда до просторијата и со помош на камионот го пробиле речиси еден метар дебелиот ѕид.
Според бирото за оперативна координација на органите на разузнавачкиот и безбедносниот сектор ова е најопасниот напад врз државните институции и правосудниот систем.
Премиерот на Црна Гора Дритан Абазовиќ изјави дека шест лица се осомничени за настанот, а возилото кое го користеле за обивање на судското депо е пронајдено. Тој вели дека неверојатно е дека Вишиот суд не можел да постави видеонадзор, камера која чини околу сто евра, па целиот овој настан како што рече потсетува на рубриката „Верувале или не“.
Во депото на судот, според локалните медиуми, имало повеќе од девет тони дрога, 400 парчиња оружје, муниција, експлозиви и голем број документи.
