Албанија бележи благ пораст на случаите со ковид – засега ја нема новата варијанта Ерис

Албанија бележи благ пораст на случаите со ковид-19 во јули во некои од општините во земјата, јавија медиумите во Тирана.

Од албанскиот Институт за јавно здравје информираат дека епидемиолошката состојба во земјата е стабилна, иако е регистриран зголем број на случаи во 15 општини, додека во 30 воопшто ја нема инфекцијата.

Надлежните нагласуваат дека досега не е изолирана новата варијанта на ковид наречена Ерис која што беше идентификувана во Соединетите Американски Држави.