Две беспилотни летала, за кои се верува дека се украински, повторно се добличија до главниот град на Русија, но руското Министерство за одбрана соопшти дека и двата дрона се соборени и обвини дека станува збор за терористички чин чија цел е терористички напад со жртви и уништување.
„Ноќта, обидот на режимот во Киев да изврши терористички напад со беспилотни летала беше спречен над московскиот регион“, се вели во соопштението на Министерството.
Двете летала се уништени од воздушната одбрана. Според информациите на надлежните едно од нив било соборено јужно од главниот град, додека другото било уништено над автопатот М1, кој минува од Москва до границата со Белорусија.
Во неделата беше соборен уште еден беспилотен авион додека се обидувал да ја нападне Москва. Обидот за напад не предизвика човечки жртви или материјална штета на теренот.
Украинските беспилотни летала стигнаа до руската престолнина на 30 јули и повторно на 1 август, и двата пати го погодија финансискиот кварт на градот.