Најмалку 11 лица загинаа во Кина, најголем дел од нив деца, откако врз нив се урна покрив на спортска сала. Според Би Би Си во моментот на несреќата во објектот имало 19 лица.
Инцидентот се случил во неделата во градот Чикиха, а утринава од урнатините е извлечена последната жртва
Несречата се случила во неделата во 15 часот по локално време во гимназија во североистокот од земјата.
Во моментот на несреќата, салата ја користел тим на млади одбојкарки.
Во спасувачката акција учествувале речиси 160 пожарникари и 39 противпожарни возила.
Прелиминарната истрага покажала дека најверојатната причина за несреќата е тоа што за изградбата на покривот на салата бил користен перлит – материјал кој е облик на вулканско стакло, а при обилните дождови материјалот насобрал вода и предизвикал уривање на покривот.