Генералниот секретар на НАТО, Јенс Столтенберг потврди дека Украина има големи загуби во контраофанзивата на југоистокот од земјата и порача дека НАТО е подготвен да даде јасен сигнал да ја прифати Украина во Алијансата.
Столтенберг истакнува и дека загубите на Киев се очекувани.
Тој нагласи дека на следниот самит на Алијансата што ќе се одржи следниот месец во Вилнус ќе биде испратен јасен сигнал за подготвеност за вклучување на Украина по завршувањето на непријателствата во земјата.
Таму, членките на алијансата ќе разговараат за создавање на Советот НАТО-Украина, каде што Киев ќе може подеднакво да учествува во одлучувањето.
Во овој формат во дискусијата може да учествуваат 32 земји – 31 членка на алијансата и Украина како рамноправен учесник, изјави генералниот секретар на НАТО.
На 15 јуни министрите за одбрана на НАТО ќе разговараат за долгорочната програма за воена помош на Киев.