Жестоките борби на руска територија непосредно во близина на украинската граница продолжуваат, а Русија возвраќа со голем број воздушни напади.
Цел на напади на групата која себе си се нарекува војска за ослободување на Русија во неколку наврати до сега е Белгородската област.
Според гувернерот на оваа област најжестоки борби се водат во селото „Нова Таволанка“.
Поради жестокост на борбите тој вчера нареди евакуација на жителите од бомбардираниот регион.
Нападите на проукраинските сили следуваат како одговор на жестоките бомбардирања на централна Украина во кои убиени или ранети се голем број цивили.
Деновиве се засилија руските воздушни напади врз Украина, во очекување на долго најавуваната контраофанзива на украинските сили.
Украинскиот претседател Володимир Зеленски изјави дека најмалку за 485 деца е познато дека загинале од руската инвазија на 24 февруари 2022 година.
Ова е бројката што можеме официјално да ја потврдиме, знаејќи ги податоците за секое дете, рече Зеленски во своето видео обраќање. Но додаде дека за жал најверојатно оваа бројка е многу поголема. Тој продолжи да сугерира дека „сите потребни правни институции“ се залагаат за правни последици против одговорните.
https://youtu.be/2Veqllv-inE