Ајдин Зулиќ, поранешен ученик во мешовитата гимназија во Бихаќ, се закани дека се подготвува да направи крвав пир, како што беше вчерашниот во Белград, и да убие ученици и вработени во средното Економско училиште во градот. Тој ја сподели намерата преку социјалните мрежи и предизвика паника во Бихаќ.
„Она момче кое уби осум деца е крал за мене. И јас подготвувам такво нешто веќе подолго време за економското училиште во Бихаќ. Ќе биде незаборавен масакр во Бихаќ, ви се колнам во живот. Кога знаевте сите да ме осудувате и избегнувате, поради тоа ќе биде и терор“, напиша Зулиќ чија објава се споделува на социјалните мрежи.
Од Мешовитото училиште во Бихаќ соопштија оти нема потреба за паника и дека надлежните органи навреме реагирале.
Коста Кецмановиќ, кој за еден месец ќе наполни 14 години, вчера во Белград во крвав пир во основното училиште „Владислав Рибникар“ уби осум деца и вработен како обебзбедување во објектот.
