Финска во вторник ќе стане 31 полноправна членка на НАТО и нејзиното знаме ќе биде подигнато пред седиштето на алијансата во Брисел, изјави генералниот секретар на меѓународната воена организација, Јенс Столтенберг.
Тој нагласи дека членството во НАТО ќе ја направи Финска посигурна, а Алијансата посилна. Столтенберг притоа изрази желба и Шведска што поскоро да го заврши процесот на членство.
Процесот на ратификација на финското членство во НАТО заврши на 30 март со одобрувањето во турскиот парламент за пристапување на скандинавската земја во Алијансата.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.