Министерството за внатрешни работи информира дека во текот на вчерашниот ден три лица биле каснати од кучиња. Станува збор за лица на возраст меѓу 35 и 55 години, а во Струга настрадал малолетник.
Најпрво во 13.00 часот во Полициската станица Чаир, В.М.(55) од Скопје пријавил дека во населбата Радишани бил каснат од куче скитник.
Потоа во 16.00 часот во Полициската станица Карпош, Б.А.(44) од Скопје пријавил дека на бул.„Никола Карев“ бил каснат од куче скитник.
Последниот случај е пријавен во 18.50 часот во Полициската станица Аеродром, Д.Ѓ.(35) од Скопје пријавила дека во с.Долно Лисиче била касната од куче скитник.
На 16.01.2022 година во 15.30 часот, А.Б.(35) од струшкото село Боровец, во ОВР Струга пријави дека на улицата „Маршал Тито“ во Струга, нејзиниот малолетен син бил каснат од куче скитник.
Во полицискиот билтен и викендот имаше извештај дека граѓани во Скопје, Куманово и Кичево се нападнати од кучиња- скитници.
Од возразни до деца- шестмина каснати од кучиња – скитници за само едно деноноќие во Скопје