Силен земјотрес од 4,7 степени по Рихтеровата скала е регистриран во Албанија со епицентар 23 километри североисточно од Тирана.
Многу жители од Албанија, но и од западните делови на Македонија споделија искуство со земјотресот на веб страницата esmc. Според нивните сведочења, земјотресот бил силен со кратко растресување од неколку секунди.
Епицентарот на земјотресот е на 130 киломтери југозападно од Скопје. Во Македонија најсилно се осетил во дебарско и во охридско-струшкиот регион, а е почувствуван како помал потрес и во повисоките спратови на зградите во Скопје.
На истата локација имаше земјотрес, но со помал интензитет и вчера, а во текот на денот пред и после силниот земјотрес регистрирани се уште десетина помали потреси. Најсилниот земјотрес беше вечерва во 22:37 часот според веб сајтот emsc.