Пред 21 часот избувнал нов пожар во околината на Скопје. Пожарот е во близина на Смилковци и односно кај Смилковското езеро во близина на скопската обиколница.
Пожарот почнал во близина на езерските трски, до трафостаницата која се наоѓа во близина на езерото.
Очвидец пријавил на полицијата дека видел човек како го потпалува пожарот, па полицијата ги проверува неговите наводи, ни изјави телефонски директорот на ДЗС, Стојанче Ангелов.
На терен се екипи на противпожарната бригада на Скопје, ДЗС и полиција. Крак од пожарот се движи кон нивите во правец на Железара.
Видео од големиот пожар објави и Бобан Стефковски, градоначалник на општина Газибаба, со тврдење дека е подметнат и најави можен прекин на електрична енергија. Тој објави и дека сообраќајот на скопската обиколница е во прекин.
-ОВА Е ГЕНОЦИД‼️ Вечерва на повеќе локации е подметнат пожар на Смилковско езеро❗️ Сообраќајот од обиколницата е во прекин! Екипите со кризниот штаб се на терен! Се очекува да има прекин и на електричната енергија‼️, извести преку ФБ, Стефковски.
Миомир Серафиновиќ