Вести Македонија Најважни

ЦУК: 31 пожар пријавен до 7 часот, активни се седум низ земјава- започна 30-дневната кризна состојба

Центарот за управување со кризи информира дека заклучно со 7:00 часот утрово, во земјава биле регистрирани вкупно 31 пожар на отворен простор, од кои 7 се уште се активни.

Најголем дел од нив се низ општините Македонски Брод, Чашка, Чучер Сандево, Бутел, Дојран и Кавадарци. Два пожари се локализирани – еден кај градската депонија во Делчево и друг во селото Рамне кај Македонски Брод.

22 се целосно изгаснати низ повеќе региони, меѓу кои Прилеп, Велес, Штип, Струга, Гостивар и Скопје.

Повеќето пожари зафатиле ниска вегетација, депонии или стрништа. Од ЦУК апелираат на внимателност и почитување на мерките за заштита од пожари, особено поради високите температури и ветерот.

Надлежните упатуваат апел до граѓаните за крајна внимателност, посебно во природа – да не палат оган и да не фрлаат догорчиња, бидејќи и мала невнимателност може да предизвика големи последици врз животната средина, имотот и безбедноста на луѓето.

А поради пожарите кои беснеат во земјава, владата прогласи кризна состојба на територијата на цела држава во траење од 30 дена. Ова значи дека полицијата, армијата, општините и сите служби ќе бидат вклучени во борба со огнената стихија.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

38 лица затруени со салмонела во фабрика во Прилеп

Дејан Дејан

ЕК: Мешањето во судството предизвикува загриженост

Дејан Дејан

Во ек на пожари се бараат ресурси, доброволците ќе добиваат по 20 илјади денари

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе